Durim Lumi, një shqiptar nga Kosova është dënuar me burgim të përjetshëm në Suedi. Në maj të vitit 2017, 36-vjeçari qëlloi me sëpatë në kokë vajzën 21-vjeçare të bashkëshortes (vajza nga një martesë e parë), pas një konflikti që pati me të. Fillimisht në nëntor të 2017 një gjykatë suedeze e dënoi me 18 vite burg.
Por Gjykata e Apelit në Suedinë Perëndimore ndryshoi vendimin e Shkallës së Parë, duke e dënuar me burgim të përjetshëm 36-vjeçarin Durim Lumi.
Edhe pse vajza ishte gjallë dhe mbeti e plagosur rëndë, Durim Lumi nuk lejoi të ëmën dhe motrën e 21-vjeçares që ta ndihmonin. Adoleshentja u dërgua me vonesë në spital dhe ndërroi jetë pas disa ditësh.
Prokurori i çështjes e konsideroi krimin si “ekzekutim të pastër” dhe dënimi me burgim të përjetshëm, sipas tij, është i drejtë. “Ai e bëri me synimin për ta vrarë. Mendoj se ky është një ekzekutim i pastër dhe ai mendonte vetëm për ta vrarë”, tha prokurori Svensson. Burimi: aftonbladet.se
